Shefi i NATO-s diskuton situatën e sigurisë në Evropën Lindore me Presidentin e Estonisë

Sekretari i Përgjithshëm i NATO-s Jens Stoltenberg priti Presidentin e Estonisë, Alar Karis, në selinë e NATO-s të enjten (13 janar 2022).

Ai vlerësoi kontributet e Estonisë në Aleancë, duke përfshirë pritjen e një prej grupeve luftarake të NATO-s në rajonin e Balltikut, udhëheqjen e saj në shpenzimet e mbrojtjes dhe rolin jetik që ajo luan në forcimin e mbrojtjes kibernetike të Aleancës.

Të dy udhëheqësit diskutuan situatën e sigurisë në Evropë, duke përfshirë vendosjet ushtarake të Rusisë në dhe rreth Ukrainës. Sekretari i Përgjithshëm nënvizoi se gjatë takimit të djeshëm të Këshillit NATO-Rusi, aleatët e bënë të qartë se çdo agresion i mëtejshëm kundër Ukrainës do të kishte një çmim të rëndë për Rusinë. Ai shtoi se aleatët gjithashtu kanë shprehur gatishmërinë për t’u angazhuar në dialog të mëtejshëm. Sekretari i Përgjithshëm tha me tej se “qëllimi ynë është de-përshkallëzimi real nga Rusia dhe angazhimi në mirëbesim dhe në thelb, në interes të sigurisë së të gjithëve” dhe ai theksoi se “ne nuk do të bëjmë kurrë kompromis mbi parimet themelore të sigurisë evropiane.

Fraksion.com