Këshilli NATO-Rusi mblidhet në Bruksel

Këshilli NATO-Rusi, i cili mbledh së bashku të 30 aleatët e NATO-s dhe Rusinë, u takua në Bruksel të mërkurën (12 janar 2022) për të diskutuar situatën në dhe rreth Ukrainës, dhe implikimet për sigurinë evropiane.

Sekretari i Përgjithshëm i NATO-s, Jens Stoltenberg, i cili kryesoi takimin, tha: “Ky nuk ishte një diskutim i lehtë, por pikërisht për këtë ishte kaq i rëndësishëm.” Ai vuri në dukje se aleatët e NATO-s janë të gatshëm të takohen përsëri me Rusinë për të diskutuar një sërë temash në detaje dhe për të vendosur propozime konkrete në tryezë. “Ka mundësi për angazhim konstruktiv që nuk duhet humbur, në interes të sigurisë në Evropë,” tha ai.

Fraksion.com