“Kush është shërbëtori im?”; Rama: Kur shoh këto dy kufoma politike, më vjen t’u lëshoj demokratëve një kushtrim: Ejani t’i japim ç’mundemi Shqipërisë!

Kryeministri Edi Rama ka reaguar lidhur me protestën e dhunshme zhvilluar sot nga ish-kryeministri Sali Berisha në selinë e PD-së.

“Epo pikë e zezë, ai punon për Ramën thotë njëri ai bën punën e Ramës thotë tjetri…Besomëni, kur i shoh këto dy kufoma politike që luajnë kështjellash në mes të Tiranës dhe fajësojnë njëra-tjetrën se kush është shërbëtori im, më vjen t’u lëshoj demokratëve një kushtrim të megjithë zemër: Ejani t’i japim ç’mundemi Shqipërisë, të bashkuar si shqiptarë, si qytetarë, si njerëz”, shprehet Rama.

“Lërini në fatet e parashkruara humbësin kronik të selisë blu dhe personazhin pa seli të listës së zezë, të cilët kur i sheh se çfarë marrëzish bëjnë e thonë të kujtojnë, që të dy, fjalët e Xhokerit, “Skam asgjë për të humbur. Asgjë s’më dhemb dot më. Tashmë jeta ime është thjesht një komedi”…Varuni more teneqet që të dyve këtyre”., tha Rama në reagimin e tij.

Fraksion.com