Makina nxirret me vinç: Humb jetën i riu nga Korça, plagosen 2 shokët e tij

Një aksident i rëndë me makinë i ka marrë jetën një të riu shqiptar, në shtetin fqinj, Greqi.

Mediet greke raportojnë se aksidenti ka ndodhur në Imathi në rrugën mes Meliki–Vergina ndërsa i riu që ka humbur jetën është nga Korça. Të plagosur kanë mbetur 2 shokët e tij që ishin me të në makinë.

Shkak i aksidentit dyshohet se ka qenë dalja nga rruga e mjetit, duke bërë që makina të përfundonte në një fushë. Siç shihet nga pamjet, makina është shkatërruar plotësisht, dhe është nxjerrë prej aty me vinç.

Në vendngjarje kanë mbërritur forcat e policisë dhe po punojnë për zbardhjen e rrethanave të aksidentit.

Nuk bëhet i ditur derimë tani identiteti i të riut që ka humbur jetën

Fraksion.com