Franca merr drejtimin e forcës më të lartë të gatishmërisë së NATO-s
Franca merr drejtimin e forcës ushtarake të gatishmërisë më të lartë të NATO-s në datën 1 janar 2022, që do të zgjasë për një vit. Formacioni, i njohur zyrtarisht si Task Forca e Përbashkët e Gatishmërisë Shumë të Lartë të NATO-s (VJTF), u krijua në vitin 2014 në përgjigje të krizave në Lindjen e Mesme dhe agresionit të Rusisë kundër Ukrainës, dhe është i disponueshëm përgjithmonë për të lëvizur brenda disa ditësh për të mbrojtur çdo aleat. VJTF është elementi i gatishmërisë më të lartë të Forcës së Reagimit prej 40,000 trupash të NATO-s.
“Falënderoj Francën për udhëheqjen e forcës së reagimit të shpejtë të NATO-s në vitin 2022,” tha Sekretari i Përgjithshëm i NATO-s Jens Stoltenberg. “Task Forca e Përbashkët e Gatishmërisë Shumë të Lartë është një kontribut thelbësor për mbrojtjen tonë kolektive dhe udhëheqja e Francës është një shfaqje e fortë e angazhimit dhe aftësive. Në një kohë sfidash të paprecedentë të sigurisë, nuk duhet të ketë asnjë keqkuptim për vendosmërinë e NATO-s: Ne qëndrojmë së bashku për të siguruar dhe mbrojtur të gjithë aleatët”, shtoi Stoltenberg.
Në vitin 2022, VJTF do të përbëhet nga një forcë shumëkombëshe prej disa mijëra trupash. Brigada franko-gjermane prej 3500 trupash do të shërbejë si bërthama e forcës, duke u mbështetur në Regjimentin e Parë të Këmbësorisë dhe Regjimentin e 3-të Hussar. E udhëhequr nga Korpusi i Reagimit të Shpejtë të Francës në Lille, brigada franko-gjermane është një njësi dykombëshe, duke nënvizuar lidhjen e fortë midis aleatëve të NATO-s, Gjermanisë dhe Francës. Vende të tjera të NATO-s, përfshirë Spanjën, Portugalinë dhe Poloninë do të ofrojnë forca gjithashtu. Pjesa më e madhe e forcës përbëhet nga njësi të brigadës kryesore. Udhëheqja e VJTF, e cila vendos ushtarët në status të lartë gatishmërie dhe gati për t’u vendosur brenda disa ditësh, rrotullohet çdo vit midis aleatëve. Franca e merr drejtimin nga Turqia, e cila drejtoi forcën në vitin 2021, kurse Gjermania do të drejtojë njësinë pas Francës në vitin 2023. Komanda e forcave të përbashkëta të NATO-s në Brunssum, Holandë, mban komandën për të gjithë Forcën e Reagimit të NATO-s në 2022.
Fraksion.com
