Thellohet skandali, publikohen edhe numrat e telefonit të 690 mijë shqiptarëve

Thellohet skandali i listës së pagave të qytetarëve që po qarkullon prej disa ditësh në Shqipëri.

E ndërsa ka dalë gjerësisht në media lista e pagave të muajit janar të vitit 2021, skandali është thelluar akoma më shumë pasi jo vetëm që doli lista e dytë me 60 mijë emra të tjerë më shumë, praktikisht e pagave të prillit 2021, por përveç kartës së identitetit, pagës dhe të dhënave të tjera janë edhe numrat e telefonit të qytetarëve.

Gjithashtu përveç sa më sipër ka dalë edhe lista me targat mjeteve të qytetarëve.

Kujtojmë se prokuroria ka nisur hetimet për skandalin në fjalë, ndërkohë që qeveria ka mohuar që kjo listë të ketë dalë zyrtarisht.

Fraksion.com