Gjykata e Lartë rrëzon rekursin e ish-ministrit të Mbrojtjes, Fatmir Mediu
Gjykata e Lartë ka vendosur të rrëzojë rekursin e ish-ministrit të Mbrojtjes, Fatmir Mediu, kundër vendimit të Gjykatës së Posaçme të Apelit që i hapi rrugë rihetimit dhe gjykimit të tij për dosjen Gërdeci.
Nëpërmjet avokatit të tij, Mediu pretendoi se vendimi ishte në shkelje të ligjit, të parimit të gjësë së gjykuar duke iu referuar faktit se një gjykatë më e vogël prishi vendimin e Gjykatës së Lartë.
Prokuroria e Posaçme Kundër Korrupsionit dhe Krimit të Organizuar (SPAK) regjistroi procedim penal ndaj ish-ministrit Fatmir Mediu, për çështjen e Gërdecit për veprat penale: “Shpërdorim i detyrës”, kryer në bashkëpunim, si dhe “shpërdorim i detyrës” në bashkëpunim me subjekt ushtarak, kuadër komandues.
Mediu akuzohet për shpërdorim detyre në lidhje me tragjedinë e Gërdecit ku nga shpërthimi i punishtes së demontimit të armëve mbetën 26 të vrarë dhe qindra të plagosur.
Fraksion.com
