“Mjalti i NATO-s 2021”; Sekretari i Përgjithshëm u jep ambasadorëve në Këshillin e Atlantikut të Veriut nga një kavanoz

Që nga prilli 2020, selia e NATO-s në Bruksel ka qenë shtëpia e tre koshere bletësh. Në vitin 2020 është prodhuar 25 kg mjaltë natyral.

Edhe pse viti 2021 ishte një vit i vështirë për prodhimin e mjaltit në Belgjikë, ai doli të ishte një vit çuditërisht produktiv për bletët e NATO-s. Rreth 60 kilogramë mjaltë me cilësi të lartë u morrën në lokacionin e shtabit të NATO-s, i cili u vlerësua si “Vendi më i mirë për prodhim” nga bletari, Made in Abeilles.

Pjesa më e madhe e prodhimit, 350 kavanoza, u shit në Pazarin e Bamirësisë së NATO-s në nëntor. Të ardhurat nga shitja e mjaltit iu shtuan fondit të përgjithshëm të mbledhur në Pazar këtë vit, nga të cilat do të përfitojnë 34 projekte belge dhe ndërkombëtare të miratuara për financim në 2021.

Duke ndjekur traditën e vitit të kaluar, Sekretari i Përgjithshëm u dha ambasadorëve në Këshillin e Atlantikut të Veriut nga një kavanoz me mjaltë të NATO-s secili më 15 dhjetor 2021. Aramark, ofruesi i shërbimit të ushqimit të NATO-s, bleu gjithashtu kavanoza për të përdorur mjaltin si një përbërës për pjatat në kafenenë e NATO-s .

Mirëqenia e bletëve është e lidhur ngushtë me qëndrueshmërinë dhe mbrojtjen e habitateve dhe ekosistemeve tona natyrore. Në gusht, në selinë e NATO-s u organizua një seminar për vjeljen e mjaltit. Më shumë seminare dhe sesione informuese do të pasojnë për t’i lejuar njerëzit të mësojnë më shumë për bletët dhe kontributin e tyre në të ardhmen e qëndrueshme.

Fraksion.com