Djegia e flamurit serb gjatë protestës në Tiranë, shoqërohen në komisariat 3 të rinj

Policia ka shoqëruar në komisariat 8 persona, të cilët dyshohet se i kanë vendosur zjarrin flamurit serb, gjatë protestave në Tiranë  zhvilluar mbrëmjen e djeshme për kundërshtimin e ‘Open Balkan’.

Sipas burimeve, 2 nga 8 personat e shoqëruar janë arrestuar ndërsa 6 të tjerë që janë minorenë janë proceduar në gjendje të lirë. Dy të arrestuarit janë identifikuar si Astrit Cara, 41 vjeç, banues në Tiranë, dhe Besnik Balani, 56 vjeç, banues në Krujë.

6 të miturit e moshës 15 e 16 vjeç, banues në Tiranë dhe në Durrës.

Kujtojmë se në protestën e thirrur nga ish kryeministri Sali Berisha, disa të rinj morën flamujt serb nga shtyllat para kryeministrisë për t’i vënë flakën.

Personat e shoqëruar, gjatë zhvillimit të protestës pasditen e djeshme, në bulevardin “Dëshmorët e Kombit”, para Kryeministrisë, kanë djegur katër flamuj kombëtar të Serbisë.

Materialet procedurale u referuan në Prokurorisë pranë Gjykatës së Shkallës së Parë Tiranë, për veprime të mëtejshme, për veprat penale “Nxitja e urrejtjes ose grindjeve” dhe “Poshtërimi i Republikës dhe i simboleve të saj”.

Fraksion.com