“Privilegj prej 11 vjetësh”; Basha: Rrugëtimi drejt BE-së me Ramën ka ngecur në vendnumëro

Kryetari i PD-së Lulzim Basha deklaroi sot se më 18 dhjetor, detyra jonë është të mblidhemi rreth vlerave më të mira e të lëmë pas të kaluarën.

Basha theksoi se lëvizja pa viza është arritja më e madhe e demokratëve për integrimin.

“Në 15 dhjetor 2010, ne demokratët përmbushëm një ëndërr për gjithë shqiptarët, lëvizjen pa viza në Europë me fluturimin e parë drejt Brukselit. Të rinj dhe të vjetër që e gëzojnë këtë privilegj prej 11 vjetësh tashmë duhet ta dinë se ai fluturim përfaqëson arritjen më të madhe, hapin më të madh përpara në rrugëtimin tonë drejt Bashkimit Europian, i cili fatkeqësisht me Ramën ka ngecur në vendnumëro. Në këtë ditë të bukur fare pranë Kuvendit Kombëtar të Partisë Demokratike të 18 dhjetorit, detyra jonë është të bashkohemi rreth vlerave më të mira të forcës tonë politike, ta lëmë pas të kaluarën për të zgjedhur të ardhmen që vetëm ne mund t’ia japim Shqipërisë”, u shpreh Basha

Fraksion.com