Pas vizitës tek Basha, në darkë me Ramën në Elbasan edhe Yuri Kim

Kryeministri Edi Rama ka qenë sot në mbrëmje në një restorant në Elbasan.

Një ditë pas vizitës në selinë e PD-së, ku takuan me kryedemokratin Lulzim Basha, sot ambasadorët janë takuar me kryeministrin Edi Rama, së bashku me një pjesë të ministrave.

Mësohet se e pranishme në këtë takim është edhe ambasadorja amerikane Yuri Kim.

Ky takim ishte i planifikuar më parë në axhendën e Ramës, i cili ka preferuar ta zhvendosë atë në një nga restoranteet e njohura në Elbasan.

Kreu i qeverisë shoqërohet me disa prej ministrave, emrat e të cilëve nuk mësohen për momentin.

Zhvillimet e fundit politike pritet të jenë në fokusin e diskutimeve të kryeministrit me diplomatët. Nuk dihet nëse ky takim lidhet me rastin e festave të fundvitit, një takim i përvitshëm i Ramës me ambasadorët, apo lidhet me ngjarjet e fundit. Deri më tani nuk ka një njoftim zyrtar.

Fraksion.com