Basha uron ‘8 Dhjetorin’: Përmbushim amanetin e të rinjve dhe të rejave që sakrifikuan për liri e demokraci

Kryetari i PD-së, Lulzim Basha, nëpërmjet një postimi në “Facebook”, përkujton 8 Dhjetorin.

Basha shkruan se edhe 31 vite pas kësaj lëvizjeje thirrja për Shqipërinë si gjithë Europa mbetet një kushtrim për të përmbushur amanetin e të rinjve dhe të rejave që sakrifikuan për liri e demokraci.

“8 Dhjetori 1990, është dita që ndau të shkuarën nga e ardhmja dhe ndryshoi përgjithmonë historinë e Shqipërisë🇦🇱 31 vite më vonë, thirrja për Shqipërinë si gjithë Europa mbetet një kushtrim për të përmbushur amanetin e të rinjve dhe të rejave që sakrifikuan për liri e demokraci, si dhe për të mbajtur gjallë forcën, guximin dhe idealet e Dhjetorit ‘90, përballë një tjetër diktature, që po varfëron dhe largon bijtë dhe bijat e shqiptarëve, atë të korrupsionit. Gëzuar 8 Dhjetorin!”, shkruan Basha.

Fraksion.com