Zëvendës Sekretari i Përgjithshëm i NATO-s: Koncepti ynë i ardhshëm strategjik nuk do të jetë i verbër ndaj gjinisë

Zëvendës Sekretari i Përgjithshëm i NATO-s Mircea Geoană mori pjesë në konferencën vjetore të Komitetit të NATO-s për Perspektivat Gjinore, më 7 dhjetor 2021.

Z. Mircea Geoană diskutoi rëndësinë e integrimit të perspektivave gjinore në agjendën e NATO-s, nga operacionet dhe misionet deri te zhvillimi i aftësive dhe pajisjeve të reja.

“Të sigurohemi që zërat e grave të dëgjohen dhe konsideratat gjinore të reflektohen në të gjithë spektrin e aktiviteteve tona nuk është thjesht një gjë e mirë, por është një domosdoshmëri për NATO-n,” tha Zëvendës Sekretari i Përgjithshëm.

Konferenca vjetore e Komitetit të NATO-s për Perspektivat Gjinore, bën së bashku përfaqësues përkatës ushtarakë dhe civilë që punojnë në këtë fushë. Konferenca e këtij viti fokusohet në atë se si Aleanca mund të integrojë më tej perspektivat gjinore në vizionin e saj aktual dhe të ardhshëm, përmes agjendës së NATO-s 2030, duke përfshirë konceptin e ardhshëm strategjik të NATO-s, i cili do të miratohet në Samitin e NATO-s në Madrid në qershor 2022.

“Mbajtja e njerëzve tanë të sigurt në një botë më konkurruese dhe më të lidhur do të kërkojë të gjitha mjetet dhe talentet… në dispozicionin tonë. Puna jonë për Gratë, Paqen dhe Sigurinë është pjesë përbërëse e kësaj, jo një shtesë,” u shpjegoi zoti Geoană delegatëve të këtij viti.

Fraksion.com