Pritet përkeqësim i motit; Në Vlorë pezullohet lundrimi i mjeteve të vogla për 6 ditët e ardhshme

Kapiteneria e portit bën me dije se në  bazë  të  parashikimit  për  situatën  hidrometeorologjike  të  përkeqësuar  në  gjirin  e  Vlorës  dhe  jashtë saj  për  ditën e sotme do të jetë  në  drejtimin JUG-JUGPERENDIM në  forcën  4-5bft 08-10m/s brenda  gjirit  të  Vlorës  dhe  jashtë  gjirit  të  Vlorës  në  forcën  6-7bft 10-17m/s me lartësi dallge  nga  1.50  deri  2.50  metra.

Sipas kapitenerisë përmirësimi  i  situatës meteorologjike  të  përkeqësuar  në  gjirin e  Vlorës  dhe  jashtë  saj  për  mjetet  e  vogla lundruese  dhe  të peshkimit  do të nisë nga ora 16:00 e pasdites së sotme.

Sakaq edhe bashkia e qytetit  në bazë të parashikimeve paralajmëron qytetarët të bëjnë kujdes dhe te shmangin lëvizjet e panevojshme me automjete në akset problematike si dhe parkimin e automjeteve në to , për ditët ne vazhdim.

” Të nderuar qytetarë!

Parashikimet e meterologëve paralajmërojnë mot të keq prej pasdites së sotme 5 Dhjetor deri më 7 Dhjetor!

Reshjet e shiut do të intensifikohen prej orës 18.00 e në  vazhdim të shoqëruara dhe me stuhi te forta, për këtë arsye do t’ju luteshim të shmangni lëvizjet e panevojshme me automjete në akset problematike si dhe parkimin e automjeteve në to.

Paralajmërimet e meteorologëve për fortuna kërkojnë  të jemi të kujdesshëm!  Për çdo nevojë urgjente  kontaktoni me Shërbimet Publike të Bashkisë dhe Ujësjellës Kanalizime, ose në faqen tonë zyrtare në “Facebook”.

Fraksion.com