Sonila Meço i mori vendin në BBV; Balina shpërthen keq ndaj produksionin dhe opinionistëve

Balina Bodinaku, e cila së bashku me Arbër Hajdarin, është opinionistja kryesore e Big Brother, ka munguar në spektaklin e të martës e të premtes për shkak të gjendjes së saj shëndetësore.

Balina këtë javë është zevëndësuar nga gazetarja Sonila Meço, e cila u gjend në karrigen e opinionistes edhe në një prej puntatave më të tensionuara siç ishte ai i mbrëmjes së djeshme, ku u fol për trekëndëshin e bujshëm të dashurisë Donald-Bora-Beatrix.

Menjëherë pas mbrëmjes, Balina u shfaq në një video live në Instagram me ish-banoren, Sheila Haxhiraj. Balina u shpreh se nuk i pëlqeu aspak nata e djeshme dhe se produksioni dhe opinionistët e trajtuan çështjen e Donaldit si një gjyq moralist.

Balina u shpreh se nuk iu duk aspak e drejtë që Arbri dhe Sonila i kërkuan llogari Donaldit, për një histori që tek e fundit ai e kishte mbyllur jashtë shtëpisë së Big Brother.

Opinionistja zbuloi gjithashtu se do të kthehej në program ditën e martë dhe se gjendja e saj shëndetësore është përmirësuar.

Fraksion.com