Të tjerë afganë që kanë punuar me NATO-n po vendosen në vendet aleate

Një grup prej rreth njëzet shtetasish afganë që punonin për NATO-n ka mbërritur për t’u zhvendosur në Holandë me një fluturim të sponsorizuar nga autoritetet holandeze më 22 nentor 2021. Grupi u largua nga një strukturë e përkohshme në Poloni, ku ata janë pritur nga autoritetet polake, që nga evakuimi i tyre nga Kabuli në gusht, me mbështetje logjistike nga forcat e armatosura polake dhe personeli i NATO-s.

Falë përpjekjeve të përbashkëta të Aleatëve, rreth 2,000 afganë që punuan me NATO-n dhe familjet e tyre, u evakuuan nga Kabuli në gusht, si pjesë e misionit më të madh evakuues në historinë e NATO-s.

NATO punoi gjatë gjithë kohës për të koordinuar evakuimet dhe Përfaqësuesi i Lartë Civil i NATO-s, Ambasadori Stefano Pontecorvo dhe stafi i tij luajtën një rol kyç për këtë qëllim. Gjatë dy javëve, më shumë se 120,000 njerëz u larguan jashtë, në qindra fluturime aleate. Trupat nga SHBA, MB, Turqia dhe Norvegjia luajtën një rol kyç në sigurimin e aeroportit dhe funksionimin e një spitali fushor, ndërsa rreth 800 staf të NATO-s kryenin operacione kyçe si furnizimi me karburant dhe komunikimi. Aleatët dhe partnerët e NATO-s vazhdojnë të punojnë së bashku për të ndihmuar afganët e evakuuar të fillojnë një jetë të re. Gjatë javëve të fundit, 80 ish-punonjës afganë dhe familjet e tyre u zhvendosën në Norvegji, më shumë se 100 në Mbretërinë e Bashkuar, mbi 100 në Kanada, rreth 100 në Gjermani, 20 në Islandë dhe disa qindra të tjerë në vende të tjera aleate.

Fraksion.com