Me kë je me Bashën apo Berishën? Voltana Ademi: Është herët me e thënë…
Kryetarja e bashkisë së Shkdrës Voltana Ademi e ftuar mbrëmjen e sotme përballë gazetares Jonida Shehu foli edhe për zhvillimet brenda PD-së dhe “Foltoren” e Sali Berishës. Ajo tha se cdo diskutim konstruktiv dhe analizë është e mirëpritur, po ashtu edhe mbledhja e Kuvendit Kombëtar të Partisë Demokratike, që sipas saj është e vlefshme. Ademi kërkoi një reflektim të thellë për krizën që sipas saj ndodhet partia më e madhe në opozitë.
Pjesë nga intervista e Voltana Ademit
Nuk ja “dhatë” sallën e Teatrit “Migjeni” Sali Berishës në “Foltoren” e Shkodës…. Nuk është problemi i teatrit, ka marrë një vendim këshilli i bashkisë së Shkdorës, që në vitin 2016, që është teatri tempulli i artistëve, asnjë nga autoritetet politike, përfaqësues të partive nuk ka mundur më pas. Është një vendim që e kam respektuar.
Do ta respektonit edhe nëse do të vinte Basha? Ka ndodhur.
Çfarë mendoni për situatën brenda PD-së? Unë nuk kam pasur mundësi të shprehem se në familje kam pasur disa probleme, situatë të rëndë. Unë gjykoj që situata ka një krizë, ekziston, askush mos bëjë sikur nuk e sheh, mendoj se kjo duhet të jetë reflektim për të gjithë.
Diskutimi duhet të shkojë përtej Bashës dhe Berishës. Diskutimi në këtë nivel banalizohet. Mendoj se diskutimi është i munguar dhe vonuar. Një analizë e munguar gjatë viteve, për të cilën kompromise që kanë ndodhur në heshtje me angazhimin e të gjithëve, po përfshij edhe veten këtu, mendoj se është një penalitet që po e vuajmë sot. Çdo debat nëse është konstruktiv është zgjidhje, nëse është destruktiv është shkatërrues.
A duhet të mblidhet Kuvendi i PD-së? Mendoj se çdo mbledhje është e vlefshme.
A do të rikandidoni për bashkinë e Shkodrës? Është herët me e thënë, mendoj se duhet të presim vendimin e Gjykatës Kushtetuese./ Abcnews
Fraksion.com
