Ministrat e Mbrojtjes të NATO-s trajtojnë çështje kyçe për sigurinë e aleatëve

Të enjten (21 tetor 2021) Ministrat e Mbrojtjes të NATO-s diskutuan se si të forcohet më tej parandalimi dhe mbrojtja e Aleancës, duke vazhduar përshtatjen e NATO-s në një botë më komplekse dhe konkurruese. Ministrat miratuan një plan të ri gjithëpërfshirës për të mbrojtur Aleancën në krizë dhe konflikt. Kjo do të sigurojë që NATO të vazhdojë të ketë forcat dhe aftësitë e duhura, në vendin e duhur dhe në kohën e duhur, për të mbrojtur një miliard njerëzit tanë nga çdo kërcënim.

Ministrat ranë dakord gjithashtu për objektivat e aftësive të NATO-s të cilat ndihmojnë për të siguruar që Aleanca të ruajë një parandalim dhe mbrojtje të besueshme. Aleatët gjithashtu rishikuan përparimin në përgjigjen e NATO-s ndaj kërcënimit në rritje nga sistemet raketore të Rusisë. Ministrat shkëmbyen gjithashtu mendime mbi mësimet që duhen nxjerrë nga angazhimi i NATO-s në Afganistan dhe si të ruhen fitimet e arritura në luftën kundër terrorizmit.

Fraksion.com