Bën gjestin romantik ndaj aktores gjatë koncertit të tij; Ja si reagoi ajo
Chris Martin bëri një gjest shumë romantik gjatë një koncerti të martën në Londër, duke i kushtuar hitin e fundit të grupit të tij Coldplay, të dashurës Dakota Johnson.
“Kjo është për universin tim, dhe ajo është këtu,” -tha Martin ndërsa grupi filloi të luante këngën e tyre të re, “My Universe”, një bashkëpunim me BTS.
Johnson ishte e pranishme aty, në një ballkon gjatë serenatës. Aktorja u përgjigj duke bashkuar duart në shenjë vlerësimi.
Johnson dhe Martin janë lidhur që nga viti 2018, dhe u ndanë për një periudhë të shkurtër në qershor 2019. Në vitin 2020, ata u përfolën se ishin fejuar, pasi aktorja u pa me një unazë të madhe smeraldi në dorën e majtë.
Martin ka qenë i martuar më parë me Gwyneth Paltrow, me të cilën ka një vajzë 17-vjeçare, Apple dhe një djalë 15-vjeçar, Moses.
Si Martin ashtu edhe Johnson kanë një marrëdhënie të mrekullueshme me Paltrow.
Fraksion.com
