“Jua ka kërkuar Edi Rama?”; Bardhi, Lindita Nikollës në Kuvend: Po tentoni të na mbyllini gojën

Ka nisur me debate seanca e sotme plenare midis opozitës dhe mazhorancës për kohën e deputetëve për të folur në Sallë. Deputeti i PD-së Gazment Bardhi tha se mazhoranca po tenton që t’u mbyllë gojën. Nga ana tjetër kryetarja e Kuvendit u shpreh se është marrë me vendimmarrje të përbashkët në Konferencën e Kryetarëve.

“Mos na mohoni të drejtën e fjalës. Kjo s’ka ndodhur kurrë që deputetëve të opozitës, 63 deputetë, që të flasin 100 minuta. Ndërkohë rregullorja na ka dhënë të drejtën që të flasim 600 minuta. Ju tani duhet të ndërprisni seancën?! Opozitës nuk mund t’i mbyllet goja në një parlament që ekziston në një vend minimumi normal. Ju keni detyrimin që të thoni se kush është arsyeja që keni marrë këtë vendim. Doni t’i hiqni të drejtën e fjalës opozitës? Jeni aty jo thjesht për t’u bërë transmetuese e vendimeve. Jua ka kërkuar Edi Rama? Nuk është argument!’- tha Bardhi.

Nikolla: Është marrë me vendimmarrje të përbashkët në Konferencën e Kryetarëve.

Fraksion.com