Dy viktima dhe 14 raste të reja me koronavirus në Kosovë

Në Kosovë u regjistruan të hënën dy viktima nga koronavirusi, bëri të ditur Ministria e Shëndetësisë.

Sipas raportit të saj ditor, në 24 orët e fundit u konfirmuan edhe 14 raste të reja të të infektuarve.

Rastet e reja pozitive rezultuan pas testimit të 1,153 mostrave.

Në 24-orëshin paraprak u konfirmuan si të shëruar 74 pacientë, ndërsa raste aktive mbeten 1,095, thuhet në raport.

Kosova ka nisur fushatën e vaksinimit kundër koronavirusit në fund të marsit.

Deri të hënën janë dhënë mbi 1.4 milion vaksina.

Mbi 632,000 qytetarë janë vaksinuar plotësisht, me nga dy doza.

Fraksion.com