AktualitetPolitikëTë fundit

“Kafen e ujin i paguan kryetarja”, Kodheli: Shishet mbi tavolinë? Dikur i gjuanim njëri tjetrit, sot…

Përveç diskutimeve mes përfaqësueseve politikë për çështje të ndryshme politike, mbledhja e Komisionit të Jashtëm parlamentar është shoqëruar dhe me nota humori dhe ironie.

Ka qenë kryetarja e këtij komisioni, Mimi Kodheli ajo që ka shkaktuar të qeshura dhe humor në sallën e mbledhjes, pasi njoftoi se kafet e deputetëve dhe ujin do e paguante ajo me rast mirëseardhje.

Madje ajo nuk e kurseu ironinë, duke kujtuar se dikur i gjuanin me shishe njëri-tjetrit në mbledhjet e komisioneve.

“Nëse e konsumuat kafen, jeni të lirë të shkoni. Ky ujë dhe kjo kafe se paguan parlamenti, por kryetarja për mirëseardhjen, ndaj mendohuni mirë. Pastaj kemi ça sekretarë që thonë; Kafet para mbledhjes se nuk na lejohen. Nuk lejohen për arsye sigurie që mos të kishim shishe, pasi dikur i gjuanim njëri-tjetrin. Që ta dini se është gjithmonë kështu, pasi nuk është.”, tha Kodheli.

 

Fraksion.com