“I kaloi kufijtë…”; Emily Ratajkowski hedh akuza për këngëtarin, ndërsa tregon prapaskenat
Supermodelja Emily Ratajkowski hodhi disa akuza mbi këngëtarin Robin Thicke, i cili sipas saj i kaloi kufijtë gjatë realizimit të videos që i solli famë ndërkombëtare. Kënga dhe videoja seksi, ku modelja ishte pjesë, u bënë një hit i madh në të gjithë botën.
Sipas Sunday Times of London, në librin e ri të shkruar prej saj, Ratajkowski tha se Thicke kapi gjoksin e saj të zhveshur ndërsa ata po filmonin videon “Blurred Lines”.
Ajo fillimisht e shijoi xhirimin, sipas raportit. Por më pas Thicke, me sa duket i dehur, filloi të sillej në mënyrë të vrazhdë.
“Ai buzëqeshi me një buzëqeshje budallaqe dhe u pengua prapa, sytë e tij ishin të fshehur pas syzeve të diellit. Koka ime u kthye në errësirë. [Zëri i regjisores, Diane Martel] dëgjohej ndërsa më bërtiti: ‘A je mirë?’,”, thuhet në libër.
“Unë e shtyva mjekrën përpara dhe ngrita supet, duke shmangur kontaktin me sy, duke ndjerë nxehtësinë e poshtërimit nëpër trupin tim,” tha ajo. “Unë nuk reagova – jo në të vërtetë, jo ashtu siç duhet të reagoja.”
Sipas raportit, Martel konfirmoi incidentin.
“Mbaj mend momentin kur ai kapi gjoksin e saj,” tha ajo. “Një në secilën dorë. Ai qëndronte pas saj pasi të dy ishin në profil. Unë bërtita me zërin tim shumë agresiv, ‘Çfarë po bëni? Kjo ishte! Xhirimet mbaruan!'”
Martel tha se Thicke kishte pirë, kërkoi falje dhe më pas u pendua.
“Unë nuk mendoj se ai do ta kishte bërë këtë po të mos ishte i pirë,” tha ajo.
Nuk është hera e parë që kënga shkakton polemika. Marvin Gaye fitoi një padi prej 5 milionë dollarësh kundër Thicke dhe Farrell duke thënë se “Blurred Lines” u mor nga hiti i Gaye i vitit 1977, “Got To Give It Up”.
Fraksion.com
