Me pistoletë në tavolinë, i qeshur krah kryeministrit Rama, dalin fotot e vrasësit të oficerit të Krimeve; Komenti epik: Edi, Aldi është bërë më i keq se…
21-vjeçari, Aldi Rama është shpallur në kërkim si autor i dyshuar i vrasjes së oficerit të Krimit në Lezhë, Saimir Hoxha. Forca të shtuara të policisë janë duke kërkuar për kapjen e tij, si dhe nga ajri është ndërhyrë me helikopterë.
Por ndërsa tani Aldi u shfaq si autori i një krimi tejet të rëndë, vite më parë ai ka pozuar edhe krah kryeministrit Edi Rama. Vëmendjen e tërheq edhe komenti epik i një të afërmi të tij, i cili thotë se Aldi është bërë shumë më i keq se Rama.
Detaje të reja për rrethanat si ka ndodhur ngjarja
Ndërsa oficeri Saimir Hoxha ka shkuar për ta pyetur e kërkuar dokumentacionin e nevojshëm, i riu ka nxjerrë pistoletën dhe e ka qëlluar për vdekje.
Më pas autori është larguar me makinën, por rreth 3 minuta larg vendit të ngjarjes është gjetur mjeti i tij. Kjo ka krijuar dyshimet se autori është larguar në këmbë.
Policia aksion me helikopterë
Policia e Lezhës ndihmuar nga forcat speciale RENEA, grupe të FNSH-së dhe një grup i posaçëm hetimor nga Drejtoria e Përgjithshme e Policisë së Shtetit kanë shkuar në vendin e ngjarjes dhe janë duke punuar për kapjen e autorit.
Sikurse shihet edhe nga pamjet policia ka ndërhyrë edhe nga ajri me helikopterë për lokalizimin e të riut, i cili në këto momente është një rrezik potencial, pasi është duke qarkulluar i armatosur.
Policia ofron 20 mijë euro shpërblim
Policia e Shtetit ofron 20 mijë euro shpërblim për çdo informacion të vlefshëm që do çojë në lokalizmin dhe kapjen e autorit të dyshuar të vrasjes së Saimir Hoxhës dhe çdo persona që ka informacion mund të kontaktojë në numrin 0694110853, duke iu garantuar anonimati i plotë./TCH
Fraksion.com
