“OKB nuk është e plotë pa Kosovën”; Thirrja e Ramës për njohjen e pavarësisë: Serbia do të heqë barrën e së shkuarës vetëm me…

Rama bëri me dije se Kosova e pavarur do të ndikojë që të shkëputemi plotësisht nga e shkuara dhe tha me bindje se maturia dhe kuraja do të lejojë Serbinë të heqë barrën e së shkuarës.

“Sërish kjo asamble e madhe nuk është dhe nuk do të jetë e plotë pa Kosovën. Më keni dëgjuar më shumë se njëherë për njohjen e pavarësisë së Kosovës, nuk është obsesion, as diçka sa për të thënë, është ftesë për të njohur realitetet e reja në zemër të Europës.

Kjo punë duhet të përfundoj dhe dua ta përsëris këtë thirrje se realiteti na ka treguar të gjithëve që do ta shohë se një Kosovë e pavarur, sovrane është një realitet që vazhdon prej 13 vjetësh që ka kontribuar të shkëputemi nga e shkuara e hidhur dhe është pjesë e përbashkët e Ballkanit Perëndimor.

Shqipëria mbështet si alternativë të vetme dialogun midis Kosovës dhe Serbisë që do të sjellë njohjen mes dy shteteve. Çdo ditë pa një marrëveshje të tillë është një ditë e humbur, një ditë që do u vidhet të rinjve në të dyja vendet, një ditë që u hiqet së ardhmes së përbashkët.

E them miqësisht por me bindje, vetëm maturia dhe kuraja, vizioni do ta lejojë më në fund Serbinë të heqë barrën e së shkuarës.”, tha Rama.

Fraksion.com