Balluku takon ministrin grek Skrekas: Bashkëpunimi i mëtejshëm në fushën energjetike

Ministrja e Infrastrukturës dhe Energjisë, Belinda Balluku ka zhvilluar një takim me ministrin e Mjedisit dhe Energjisë të Greqisë, Kostas Skrekas.

Në takim u diskutua për mundësinë e bashkëpunimit të mëtejshëm në fushën energjetike, mes Shqipërisë dhe Greqisë.

Ministrja Balluku e ka ftuar ministrin grek, Kostas Skrekas të vizitojë Shqipërinë për të identifikuar mundësi të mëtejshme bashkëpunimi.

“Gjatë takimit me kolegun Kostas Skrekas, ministrin e Mjedisit dhe Energjisë diskutuam për mundësinë e bashkëpunimit të mëtejshëm në fushën energjetike, mes Shqipërisë dhe Greqisë, shkëmbimin e energjisë elektrike dhe sigurinë e linjës së interkonjeksionit mes dy vendeve tona. E ftova kolegun – Kostas Skrekas të vizitojë vendin tonë, për të identifikuar mundësi të mëtejshme bashkëpunimi”, shprehet Balluku.

Ministrja e Infrastrukturës dhe Energjisë, Belinda Balluku ishte e pranishme sot në Ministerialin e Bashkëpunimit Transatlantik të Energjisë dhe Klimës (P-TECC) të zhvilluar në Poloni dhe të organizuar nën kujdesin e Departamentit Amerikan të Energjisë.

Fraksion.com