“Shtegu i vetëm i Lulzim Bashës”; Gjekmarkaj: Sali Berisha personalitet i madh politik

Kreu i PD-së, Lulzim Basha ka mbledhur kryesinë e grupit të PD, pas përjashtimit nga grupi parlamentar të Sali Berishës.

Në përfundim të mbledhjes, deputeti i PD-së, Agron Gjekmarkaj ka komentuar sërish vendimin e kreut të demokratëve, Lulzim Basha për përjashtimin e Sali Berishës nga grupi parlamentar.

Ky vendim erdhi pasi Berisha u shpall non-grata nga SHBA-të.

“Nuk ka pyetje të gabuara, por ka diçka të impostuar në pyetjen tuaj. Nuk shtrohet pyeta ishte vendim i gabuar apo ë padrejtë. Nuk kishte mundësi tjetër Lulzim Basha apo PD-ja. Duket se ishte shtegu i vetëm për të kaluar. E kam thënë dhe në një media se Sali Berisha është personalitet i madh politik, beteja për statut që mund të bëjë ai, nuk janë beteja për të, pasi janë të një kalibri të vogël.”, tha ai për mediat pak pas përfundimit të mbledhjes së grupit parlamentar.

Fraksion.com