Vrau bashkëfshatarin për konflikte pronësie, arrestohet zjarrfikësi në Tropojë, sekuestrohet arma e krimit
Një ngjarje e rëndë ka ndodhur në fshatin Çerem të Tropojës. 49-vjeçari, Isat Goçaj është vrarë me armë zjarri nga bashkëfshatari i tij, Altin Ismajlisufi, ky i fundit që është shpallur në kërkim.
Ngjarja ka ndodhur rreth orës 15:30, ndërsa policia ka shkuar në vendin e ngjarjes.
Policia ka vënë në pranga autorin e dyshuar të vrasjes së 49-vjeçarit, Isat Goçaj, në Çerem, të Tropojës.
Në njoftimin për shtyp bëhet e ditur se pasi arrestoi Altin Ismajlisufin si autor të dyshuar të ngjarjes është bërë e mundur edhe sekuestrimi i armës me të cilën ka kryer krimin.
“Shërbimet e Komisariatit të Policisë Tropojë falë reagimit në kohë, veprimeve të shpejta dhe profesionale, bënë të mundur kapjen e autorit të dyshuar shtetasin Altin Ismajlisufi. Gjatë kontrollit në banesë, Policia gjeti dhe sekuestroi armën e zjarrit, me të cilën autori kreu vrasjen”, bën me dije policia.
Ndërkohë autori i dyshuar po shoqërohet në Komisariatin e Policisë Tropojë, për veprime të mëtejshme.
Fraksion.com
