“Karaburuni nën flakë”; Dita e katërt: Digjen qindra hektarë me shkurre e pemë
Prej 4 ditësh tashmë, gadishulli i Karaburunit ndodhet nën ‘pushtetin’ e flakëve që vijojnë të djegin gjithçka gjejnë përpara.
Ndonëse nuk është bërë ende një përllogaritje e saktë e dëmit, rezulton se deri më tani janë djegur qindra hektarë me shkurre e pemë.
Punonjësit e zonave të mbrojtura prej ditësh luftojnë me flakët, ndërsa dje në ndihmë të tyre shkuan edhe 100 trupa nga nga Forcat Tokësore dhe Detare sipas informacioneve të FA.
Situata vijon të jetë mjaft kritike, ndërsa puna e punonjësve të zonave të mbrojtura vështirësohet edhe nga terreni i keq. Për shuarjen e flakëve kërkohet ndërhyrje nga ajri, ndihmë që akoma nuk ka shkuar.
Janë vendosur nën kontroll zjarret që përfshinë një ditë më parë pyllin e Kreshpanit, në Cakran të Fierit dhe në fshatin Vjosë.
Situata me zjarret është mjaft problematike në vend, ku vijon të jetë ende aktiv zjarri në gadishullin e Karaburinit, duke djegur hapësira të tëra me bimësi e pemë.
Fraksion.com
