E martë, 3 Dhjetor, 2024

Latest:

“I pranishëm në rihapjen e Katedrales së Notre Dame”, Donald Trump udhëton si president i sapozgjedhur i SHBA-së
Gjergji paraqet 3 amendamente në buxhet për shëndetësinë: Të shtohen barnat e rimbursueshme dhe fondet për Onkologjikun
Një ditë grevë në pothuajse të gjitha fabrikat e gjigantit gjerman Volkswagen në Gjermani, ka përfunduar në mëngjesin e së martës, ndërsa sindikata e punëtorëve ka thënë se gati 100.000 punëtorë i janë bashkuar protestës. Greva është thirrur nga sindikata për të protestuar kundër paralajmërimeve për ulje pagash, mbyllje të disa fabrikave dhe zvogëlimit të numrit të punëtorëve në Volkswagen, kompanisë më të madhe në Evropë për prodhim të automjeteve. Shefat e kompanisë, në anën tjetër, kanë përsëritur se uljet e shpenzimeve janë të domosdoshme, në mënyrë që kompania të mbetet konkurrente të treg, që të rriten fitimet, dhe ato më pas të investohen në automjetet e së ardhmes, përfshirë ato elektrike. Volkswagen është përballur me rënie të kërkesës dhe rritje të madhe të konkurrencës ndërkombëtare, sidomos prej tregjeve kineze. Gjiganti gjerman ka pasur vështirësi në lansim dhe reklamim të modeleve elektrike të makinave. Udhëheqës të sindikatës së punëtorëve kanë thënë se ky është paralajmërimi i parë kundër planeve të ashpra të menaxhmentit të kompanisë dhe që nëse nuk merren parasysh kërkesat, protesta do të ketë sërish përgjatë dimrit.
Gati 100 mijë punëtorë të Volkswagenit iu bashkuan grevës
Deputeti Asllan Dogjani i pandehur, SPAK jep njoftim zyrtar: Kontratë fiktive për deklarimin e apartamentit

Aktualitet Të fundit

KPK konfirmon në detyrë prokuroren Elida Hoxhaj

15 Korrik, 2021 admin

Komisioni i Pavarur i Kualifikimit konfirmoi sot në detyrë Elida Hoxhaj, prokurore pranë Prokurorisë së Rrethit Fier.

Komisioni i Pavarur i Kualifikimit zhvilloi sot seancën për shpalljen e vendimit për prokuroren Hoxhaj pas shqyrtimit të dosjes dhe zhvillimit të seancës dëgjimore.

Trupa gjykuese e përbërë nga Firdes Shuli, Suela Zhegu, Brunilda Bekteshi, pasi analizoi provat dhe fakte, bazuar në tri kriteret e vetingut vendosi konfirmimin në detyrë të prokurores Hoxhaj.

Prokurorja pranë Prokurorisë së Rrethit Fier, Elida Hoxhaj u përball me vetingun me 14 korrik për tri kriteret e vlerësimit, ligjshmërinë e pasurisë, pastërtisë së figurës dhe profesionalizmin dhe arriti të marrë vlerësimin sipas ligjit.

Elida Hoxhaj e ka nisur karrierën në sistemin e drejtësisë si oficere e policisë gjyqësore në vitet ’90.

Ajo u emërua prokurore në vitin 2005 dhe punon prej asaj kohe në Prokurorinë e Rrethit Gjyqësor Fier.

Fraksion.com