Jehona Sopi tregon se si i kishte shpëtuar një sulmi të Al Kaedës: Asfalti filloi të dridhej!

Këngëtarja e njohur shqiptare, Jehona Sopi, ka rrëfyer për një rast që i kishte ndodhur në Egjipt, të cilin nuk e kishte bërë më herët publik në media.

Ajo ka thënë se gjatë vitit 2005 kur ishte në pushime bashkë me shoqërinë në Egjipt, kishte ndodhur një sulm pranë vendit ku qëndronte ajo.

Sulmi ishte nga grupi terrorist i Al Kaedës, ka rrëfyer ajo në “Prive”.

Ajo ka treguar se disa persona ishin plagosur nga shpërthimi i një eksplozivi.

“Filluan të na nxirrnin jashtë dhe në momentin që kemi dalë, asfalti filloi të dridhej dhe kur eksplozivi shpërtheu të gjithë xhamat janë thyer”, tregoi ajo.

“Ka qenë një tmerr me pa me sy, shkova në pushim pas disa viteve dhe pash gjak njerëz të lënduar shumë, pash një katastrofë me sytë e mi”, tregoi tutje Stopi.

Pas këtij sulmi, ajo ka thënë se kanë qëndruar edhe 4 ditë në Egjipt pasi nuk kishin pasur se me çka të ktheheshin prapa,

Me tu ardhur mundësia, ajo është kthyer nga Egjipti.

Fraksion.com