Mbërrijnë 50,000 doza të tjera Coronavac; Ritmet e vaksinimit do të vijojnë të rriten, për një sezon turistik përtej pandemisë

Kryeministri Edi Rama deklaroi sot mbërritjen në Aeroportin e Rinasit të 50,000 dozave të tjera të vaksinës Coronavac.

“Edhe 50,000 doza të tjera të vaksinës Coronavac sapo kanë mbërritur në Shqipëri, duke e çuar në 1,067,950 sasinë e vaksinave antikovid të mbërritura deri tani. Ritmet e vaksinimit do të vijojnë të rriten ditë pas dite, për një sezon turistik përtej pandemisë”, u shpreh Rama.

Që nga fillimi i fushatës “Shqipëria Buzëqesh” janë kryer 871 421 vaksinime antikovid në vend.

Ministrja Manastirliu deklaroi dje se me ardhjen e dozave të tjera të vaksinave gjatë ditëve në vijim, do të ulet fashat e vaksinimit masiv në 50 vjeç.

Vaksinimi po kryhet sipas të gjithë parametrave të sigurisë dhe cilësisë nga ekipe të trajnuar vaksinatorësh në të gjithë vendin.

Fraksion.com