Rama takim me Yuri Kim në rezidencën e Ambasadores Amerikane

Kryeministri Edi Rama dhe ambasadorja e SHBA-së Yuri Kim kanë  një takim mbrëmjen e sotme. Takimi u krye në rezidencën e Ambasadores Amerikane dhe diskutimet vijuan prej më shumë se një ore.

Nuk dihet se cilat janë temat e bisedës mes kryeministrit Rama dhe ambasadores Kim, ndërsa theksojmë se ky është takimi i parë që ambasadorja Yuri Kim dhe Rama zhvillojnë pas zgjedhjeve të 25 prillit.

Më herët DASH shpalli ‘non grata’ Sali Berishën, vendim për të cilin kryeministri Edi Rama nuk ka dhënë asnjë qëndrim, ndërsa pas 5 ditësh në Kuvend do të diskutohet shkarkimi i Presidentit Ilir Meta, i cili sulmet ndaj SHBA-së dhe ndaj Yuri Kim i ka pasur të shumta.

Kryeministri Edi Rama sapo ka përfunduar edhe një vizitë zyrtare në Turqi, ku u arritën disa marrëveshje të rëndësishme bashkëpunimi në fushën e teknologjisë, shëndetësisë, kulturës, arsimit dhe turizmit.

Fraksion.com