Ministrat e Mbrojtjes të NATO-s adresojnë Afganistanin dhe axhendën e NATO-s 2030

Ministrat e Mbrojtjes së NATO-s u takuan virtualisht të artën (1 qershor 2021) për të diskutuar përgatitjet për Samitin e ardhshëm të NATO-s dhe rrugën përpara në Afganistan. Për t’u përgatitur për Samitin, ministrat e Mbrojtjes adresuan axhendën e NATO-s 2030 për të forcuar Aleancën. Ata u përqëndruan në planet për të forcuar unitetin aleat, duke përfshirë një angazhim të forcuar për mbrojtjen kolektive. “Kjo do të thotë zbatim i shpejtë dhe i plotë i adaptimit tonë ushtarak dhe përmirësime të vazhdueshme të gatishmërisë sonë, aftësive tona dhe investimeve tona të mbrojtjes,” tha Sekretari i Përgjithshëm i NATO-s Jens Stoltenberg.

Për Afganistanin, ministrat e Mbrojtjes ranë dakord që mbështetja e vazhdueshme për forcat afgane, qeverinë dhe popullsinë është mënyra më e mirë që NATO mund të kontribuojë në përpjekjet e paqes. Sekretari i Përgjithshëm theksoi se NATO do të vazhdojë të ofrojë këshilla dhe mbështetje për ndërtimin e kapaciteteve për institucionet afgane të sigurisë dhe fonde për forcat afgane të sigurisë. “Ne po shohim gjithashtu se si mund të sigurojmë arsim dhe trajnim ushtarak jashtë Afganistanit, të përqendruar në Forcat e Operacioneve Speciale dhe ne po shikojmë se si të financojmë sigurimin e shërbimeve që u mundësojnë Aleatëve dhe bashkësisë ndërkombëtare të qëndrojnë në Kabul, përfshirë mbështetjen për aeroport, ”vuri në dukje ai.

Fraksion.com