Merr formë lagjja e re në Vaqarr; Rama: Vijojmë çdo ditë punën për të fshirë çdo gjurmë të tërmetit

Kryeministri Edi Rama ishte sot në lagjen e re në Vaqarr të Tiranës, e ndërtuar nga e para për familjet e prekura nga tërmeti, me objekte arsimore, qendër komunitare dhe hapësira të dedikuara për aktivitete sociale dhe rekreative, e cila po merr formën e vet të bukur.

Kryeministri shprehu mirënjohjen fondacionin “Fundjavë ndryshe”, i cili ka ndërtuar nga e para banesat në Vaqarr.

“Mirënjohje për Arbërin e palodhur, fondacionin “Fundjavë ndryshe” dhe të gjithë ata, që bashkë me ne vijojnë çdo ditë punën, për të shëruar deri në fund çdo plagë e fshirë çdo gjurmë të katastrofës së 26 nëntorit tragjik”, tha Rama.

Kryetari i bashkisë së Tiranës, Erion Veliaj u shpreh se nga ana e bashkisë është ndërtuar komplet infrastruktura e kësaj lagjeje si dhe do të nisë ndërtimi i shkollës. Ai tha se “është prishur edhe Pallati i Kulturës që do të bëhet e gjitha qendër komunitare, ndërkohë që kjo lagje do të ketë edhe një stacion autobusi meqë është bërë komunitet i madh”.

Ndërkohë 20 banesa të Vaqarrit janë ndërtuar me kontributin e fondacionit “Fundjavë ndryshe” dhe do të dorëzohen të mobiluara te banorët.

“Këtu jemi në fazën e fundit, ka vazhduar mobilimi i shtëpive. Presim që të përfundojë infrastruktura që pastaj të bëhet edhe lyerja e banesave dhe të dorëzohen të përfunduara”, tha Arbër Hajdari.

Ai tha se “ishin 10 mijë donatorë me donacione të vogla që kanë kontribuar në këtë proces”.

Ministri i Shtetit për Rindërtimin, Arben Ahmetaj u shpreh se në total nga fondacioni “Fundjavë ndryshe” po ndërtohen 50 shtëpi në gjithë Tiranën në koordinim kjo me ministrinë që të vendosen shtëpitë aty ku duhen

Fraksion.com