“Keni dërguar mesazhe interesante”; Rama për adresën e re: Grupi do të bëjë një pasqyrë të të gjitha interesimeve të ardhura
“Faleminderit për interesimet e menjëhershme dhe mesazhet interesante që keni dërguar ditën e djeshme”, tha sot kryeministri Edi Rama i cili ka dhënë një adresë kontakti për të gjithë personat e interesuar për të qenë pjesë e grupit të PS-së në mandatin e tretë të tyre pas fitimit të zgjedhjeve të 25 prillit.
“FALEMINDERIT për interesimet e menjëhershme dhe mesazhet interesante që keni dërguar ditën e djeshme. Grupi i punës i ngritur për këtë qëllim do të bëjë një pasqyrë të të gjitha interesimeve e mesazheve të ardhura deri në fund të majit dhe më pas do të kontaktojë të interesuarit për vijimin e procesit gatipërshqipërinë@kryeministria.al.
Kjo adresë është në dispozicion të të gjithë atyre që kanë studiuar me rezultate të larta, jashtë shtetit apo në Shqipëri, të cilët kanë dëshirë të më kontaktojnë mua personalisht apo anëtarët e tjerë të kabinetit, për të kontribuar me opinionet, idetë, projektet apo edhe gatishmërinë e tyre që të përfshihen drejtpërdrejtë në punët e mëdha të Mandatit të Tretë”, tha Rama.
