Rama konfirmon ardhjen e 11,700 dozave të tjera të vaksinës Pfizer

Në aeroportin ndërkombëtar “Nënë Tereza” kanë mbërritur mbrëmjen e sotme 11,700 doza të tjera të vaksinës “Pfizer”.

Kryeministri Edi Rama thekson se dozat e mbërritura janë pjesë e kontratës me kompaninë “Pfizer” dhe pjesa tjetër nga marrëveshja me BE.

Edhe ministrja e Shëndetësisë dhe Mbrojtjes Sociale, Ogerta Manastirliu tha se mbrëmjen e sotme në Shqipëri kanë ardhur 7020 doza nga kontrata e qeverisë shqiptare me kompaninë “Pfizer” dhe pjesa tjetër 4680 nga marrëveshja me Bashkimin Europian.

Më herët Manastirliu bëri me dije se ditën e sotme u kryen 19,886 vaksinime dhe që prej fillimit të vaksinimit janë kryer 537,837 vaksina antikovid për qytetarët.

Fraksion.com