Rama: Çfarë mendon Lulzim Basha për pengmarrjen e kullës së kontrollit ajror pak ditë para stërvitjes më të madhe ushtarake?

Kryeministri Edi Rama e ka cilësuar kreun e PD-së Lulzim Basha një kukull teksa e ka pyetur se çfarë mendon për bllokimin e aeroportit.

Nga Dropulli, Rama tha se bllokimi vjen pak javë para stërvitjes më të madhe ushtarake të bërë ndonjëherë në rajon me NATO-n e SHBA.

“Ajo që ka ndodhur është një kambanë alarmi për të gjithë për të kuptuar atë që unë po e përsëris. Lulzim Basha është një kukull, ku është Lulzim Basha? Çfarë mendon ai për çështjen e aeroportit, çfarë mendon ai për bllokimin e këtij aktiviteti jetik? Çfarë mendon ai për pengmarrjen e kullës së kontrollit ajror të Shqipërisë, vetëm pak javë para stërvitjes ushtarake më të madhe të bërë ndonjëherë në gjithë rajonin tonë me NATO-n dhe forcat e SHBA-ve. Si mund të bëhet Shqipëria lolo? Ku duan të dinë ata. Kanë kaq vite që angazhohen vetëm për këtë. Logjikë çetash, piratësh”, tha Rama.

Fraksion.com