AktualitetPolitikëTë fundit

“12 vite në Aleancë”; Z/presidente e AP e NATO-s, Kodheli: FA, pjesa më e mirë e shoqërisë. Janë krenaria dhe besimi ynë, forca dhe siguria jonë.

12 vite më parë, më 1 Prill  2009  Shqipëria u anëtarësua në Organizatën e Traktatit të Atlantikut të Veriut NATO, pas përfundimit të ratifikimit të Protokollit të Anëtarësimit nga të gjitha vendet aleate dhe depozitimit të instrumentit të aderimit në NATO në Departamentin e Shtetit që është edhe mbajtësi ligjor i Traktatit të Uashingtonit.

“Në 12-vjetorin e anëtarësimit në NATO, Shqipëria qëndron me kokën lart”, tha sot ish ministrja e Mbrojtjes, Mimi Kodheli.
“Forcat e Armatosura të Republikës së Shqipërisë janë pjesa më e mirë e shoqërisë”, tha ajo. Kodheli  theksoi se  FA janë në shërbim të njerëzve e të atdheut si pak kush. “Ato janë krenaria dhe besimi ynë, forca dhe siguria jonë”, nënvizoi  Kodheli.
Mimi Kodheli është  Zëvendëspresidente e Asamblesë Parlamentare të Organizatës së Traktatit të Atlantikut të Veriut. Ajo është e para shqiptare që zgjidhet në një pozicion të tillë të një organizate ndërkombëtare.

Mimi Kodheli është  gjithashtu e para grua  shqiptare që ka mbajtur postin e Ministrit të Mbrojtjes.

Postimi i Kodhelit në Facebook:

 

Fraksion.com