Rama: Sot nis epoka e artë e gazit për Shqipërinë, s’do ishte e mundur pa ambasadoren Yuri Kim
Këtë të premte u nënshkrua marrëveshja e bashkëpunimit midis Shqipërisë e SHBA, përmes Ministrisë së Infrastrukturës e Energjisë dhe Exxon Mobil & Excelerate Energy, për futjen e gazit të lëngshëm natyror nga Amerika (LNG) në Shqipëri.
Një projekt ky, i cili përfshin konvertimin e TEC-it të Vlorës me LNG, ndërtimin e një terminali të ri gazifikimi dhe shpërndarjen e LNG, duke e shndërruar Vlorën në një HUB rajonal për gazin e lëngshëm.
Gjatë aktivitetit të mbajtur online, ishte i pranishëm edhe kryeministri Edi Rama, i cili u shpreh se ky është një projekt i së ardhmes. Rama vlerësoi si mjaft të rëndësishëm për ekonominë shqiptare këtë projekt të sjelljes së gazit të lëngshëm në TEC e Vlorës ndërsa tha se kjo nuk do të ishte e mundur pa mbështetjen e Yuri Kim.
“Është tërheqëse të jesh këtu si një takim miqësor, pasi të përballesh me një kompani që ka të ardhura 20 herë më të larta se PPB është e shkëlqyeshme të kesh partner si ju. Në këtë luftim drejt së ardhmes ku jemi në gjendje ta transformojmë Shqipërinë dhe këtë ta bëjmë përmes një ekspertize më të mirë që do të realizohet përmes një projekti me përmasa të tilla. Për ta bërë këtë projekt realist është një hap i rëndësishëm para për Shqipërinë. Ky është një projekt i dytë madhor i nënshkruar mes Shqipërisë dhe SHBA pas atij të ndërtimit të Skavicës. Këto dy projekte nuk do të kishin qenë të mundura pa ambasadoren amerikane e cila ishte ajo që i shty një hap para këto marrëdhënie duke i dhënë një përmasë të jashtëzakonshme bashkëpunimit ekonomik. Sot për Shqipërinë nis një epokë e artë e gazit.
Thënë gjithë këtë më duhet të them asnjë prej të dyjave nuk do të kish e qenë e mundur pa dikë, që është këtu në këtë takim dhe natyrisht është grua. Sepse vetëm gratë e forta mund ti bëjnë të mundura këto gjëra të tilla. Ambasadorja Amerikanë ja doli ta shtyjë një hap më tej këtë marrëdhënies duke i dhënë një përmasë të jashtëzakonshme. Ky projekt besoj se do ti japë një shtysë të pabesueshëm moralit të vetë qytetarëve shqiptarë dhe ekonomisë, pasi duke transformuar Vlorën në një qendër për gazin natyror dhe duke ja dalë që të vëmë një jetë një nga investimet e së kaluarës, që ka qenë një dështim është vërtet e rëndësishme.
130 mln dollarë u shpenzuan shumë keq, e di që për Exxon janë qindarka por për Shqipërinë është një vlerë e jashtëzakonshme. Konvertimi i hidrocentralit është një hap i jashtëzakonshëm. Ashtu siç thuhet, edhe nuk e di nëse e keni në Amerikë, shprehjen: Me një gur vrasim dy zogj. Këto janë dy projektet shumë të rëndësishme. Epoka e artë e gazit po shfaqet mirëfilli sot për Shqipërinë dhe mund të jetë veçanërisht e artë për këtë anë të botës, për rajonin e Ballkanit. Unë besoj fort se kur të shkruhet historia e shekullit 21, historianët do reflektojnë për zanafillat e epokës së artë për rajonin tonë.Ndoshta nuk është një gjë e madhe për një kompani kaq të madhe por sërish do të jetë e rëndësishme për emrin e Exxon Mobile që të jetë i pandashëm nga kjo histori, në këtë pjesë të botës, duke treguar jo vetëm fuqinë e vizionit por mjaft të rëndësishme të marrëdhënieve tonë amerikano shqiptare.
Shqipëria nuk është për të shkuar për ata që nuk e njohin por ata që vijnë nuk ndahen prej saj. Jam i bindur miku im që tashmë keni rënë në kurth dhe e ardhmja do ju japë më shumë arsye për të qëndruar në Shqipëri.”, tha rama
Fraksion.com
