Gratë janë jetike për një NATO më të fortë
Në Ditën Ndërkombëtare të Gruas (8 Mars 2021), Zëvendës Sekretari i Përgjithshëm i NATO-s Mircea Geoană drejtoi një panel në internet Kremtimi i Grave Fymëzuese gjatë Samitit të Rrjetit të Grave Profesionale (PWN) në Rumani.
Z. Mircea Geoană theksoi arritjet e NATO-s të bëra deri më sot për të integruar perspektivat gjinore në të gjitha fushat e punës, nga politika dhe planifikimi, trajnimi dhe edukimi, te misionet dhe operacionet. Duke parë përpara, ai nënvizoi kontributin jetësor që gratë mund të japin në një Aleancë më të fortë dhe më gjithëpërfshirëse. Ai më tej vuri në dukje se iniciativa e NATO-s 2030 dhe vendimet e ardhshme të udhëheqësve të NATO-s në Samitin 2021 do të ndihmojnë gjithashtu për të çuar më tej axhendën e NATO-s mbi Gratë, Paqen dhe Sigurinë.
Të kuptuarit në rritje se si sfidat e sigurisë ndikojnë ndryshe tek burrat dhe gratë është në thelbin e qasjes gjinore të NATO-s. Përmirësimi i aftësisë së tij për të marrë aftësi dhe kompetenca individuale, duke përfshirë në shumicën e pozicioneve të larta, mbetet një përpjekje e vazhdueshme, në përputhje me temën “Gratë në Lidership” të Ditës Ndërkombëtare të Grave të këtij viti.
Znj. Mary Robinson, ish Presidente e Irlandës dhe ish Komisioner i Lartë i KB për të Drejtat e Njeriut dhe znj. Roberta Metsola, Nënkryetarja e Parë e Parlamentit Evropian morën pjesë në këtë ngjarje, e cila bashkoi përfaqësuesit e Rrjetit Profesional të Grave në 19 qytete nga Rumania.
Rezoluta 1325 e Këshillit të Sigurimit të Kombeve të Bashkuara mbi Gratë, Paqen dhe Sigurinë u miratua zyrtarisht më 31 tetor 2000. Qasja e NATO-s ndaj agjendës së Grave, Paqes dhe Sigurisë bazohet në 3 I – Integrimi, Përfshirja dhe Integriteti.
Fraksion.com
