Drogë në banesë dhe makinë: Policia arreston 38-vjeçarin; Ja sa kilogramë kanabis iu sekuestrua

Policia e Krujës ka arrestuar një 38-vjeçar, të cilit iu gjet një sasi prej 39 kg kanabis sativa. Në pranga u vu shtetasi me iniciale H. F., banues në Thumanë, të cilit Gjykata e Shkallës së Parë Korçë i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve” kryer në bashkëpunim.

“Gjatë kontrollit të ushtruar në ambientet e banesës dhe në automjetin e këtij shtetasi, shërbimet e Policisë kanë gjetur dhe sekuestruar në cilësinë e provës materiale rreth 39 kg lëndë narkotike cannabis sativa.

Në vijim të veprimeve, specialistët për Hetimin e Krimeve në Komisariatin e Policisë Krujë, arrestuan në flagrancë shtetasin H. F., 38 vjeç, banues në Thumanë, Krujë, për veprën penale “Prodhimi dhe shitja e narkotikëve”, thotë policia.

Ndërkohë materialet i kaluan Prokurorisë së Rrethit Gjyqësor Krujë, për veprime të mëtejshme.

Fraksion.com