Nis puna për ndërtimin e spitalit të Laçit; Rama: Standarde bashkëkohore të spitaleve europiane

Kantieri është hapur dhe puna aty po ecën me ritme të shpejta.

Kryeministri Edi Rama informoi sot se puna për ndërtimin e këtij spitali ka nisur dhe se godina e re do të jetë në standardet bashkëkohore të spitaleve bashkiake europiane.

“Me kantierin e sapohapur të Spitalit të ri të Laçit, i cili do të rilindë më i madh, më i fortë e me standarde të spitaleve bashkiake të Europës, ju uroj një ditë të mbarë”, tha Rama.

Tërmeti me magnitudë 6.4 i shkallës Rihter që goditi Shqipërinë nëntorin e kaluar dëmtoi rëndë mijëra ndërtesa, përfshirë edhe Spitalin e Laçit, i cili u ofronte shërbim rreth 80 mijë banorëve dhe doli tërësisht jashtë funksionit.