Masat e reja anti-Covid: Mbyllet vendi nga ora 20:00 deri në 06:00; Shkollat e mesme në 7 bashki mësim online

Ashpërsohen në vend masat kundër koronavirusit. Shqipëria duke filluar nga dita e nesërme,  do të zhvendosë orën policore në 20:00, nga ora 22:00 që ishte deri më tani.

Komiteti Teknik i Ekspertëve bëri me dije këtë të mërkurë se ora policore do të nisë nga ora 20:00 deri në orën 06:00 të mëngjesit, ku nuk do të lejohet lëvizja e qytetarëve dhe aktiviteti i bizneseve.

Gjithashtu, një tjetër masë e ashpër është edhe rikthimi i mësimit online në të gjitha shkollat e mesme, në qarqet më të prekura nga koronavirusi.

Këto masa do të vijojnë për 14 ditë, deri më 25 shkurt, do Komiteti i Ekspertëve do të bëjë një rivlerësim të situatës

Disa nga masat e Komitetit Teknik të Ekspertëve:

• – Ndalimi i qarkullimit të lëvizjes për qytetarët nga ora 20:00 e mbrëmjes – 6:00 të mëngjesit, me përjashtim të emergjencave shëndetësore dhe për arsye pune (në këtë rast është e domosdoshme leja nëpërmjet aplikimit tek e-Albania) për një afat 14 ditor, duke filluar nga dita e enjte, datë 11 Shkurt – 25 Shkurt.
• – Ndalimi i aktiviteteve të bareve, restoranteve, klubeve, nga ora 20:00 e mbrëmjes – 06:00 të mëngjesit (me përjashtim të shërbimit delivery), duke filluar nga dita e enjte, datë 11 Shkurt – 25 Shkurt.
• – Nisur nga rritja e rasteve të infektimeve të reja në grupmoshën 15-24 vjeç, shkollat e mesme do të aplikojnë skenarin e tretë, pra atë online ne zonat e riskut të lartë, ku përfshihen bashkitë: Tiranë, Fier, Vlorë, Berat, Durrës, Gjirokastër, Lezhë, Lushnje, Pogradec dhe Kamëz, për periudhën 11 shkurt – 26 shkurt.
• – Sezoni i provimeve për universitetin do të zgjatet, për të siguruar kombinimin e provimeve online dhe në auditor, për lëndët që kërkojnë prezencë, sipas vlerësimit të MASR, duke zbatuar rreptësisht protokollet AntiCovid.

Fraksion.com