“Koha për përgjegjësi”; Rama: Kemi sinjale se në Shqipëri kanë hyrë variantet e reja të COVID, do detyrohemi….

Kryeministri i vendit Edi Rama në një bashkëbisedim me gazetarët për shëndetësinë deklaroi se ka sinjale të arsyeshme se në vend kanë hyrë variantet e reja të Covid pa specifikuar raste konkrete.

Rama tha po ashtu se janë shtuar shtrimet në spitale edhe në mosha të reja, duke e vënë theksin tek zbatimi i rregullave. Ndryshe, mund të kthehemi tek masat e forta kufizuese.

“Kemi sinjale te arsyeshme se në Shqipëri kanë hyrë variante të reja të covid 19…kemi rritje tw infektimeve edhe në grupmoshat e reja. Jemi shumw të motivuar të bëjmë çdo gjë si duhet që të mos detyrohemi të kthehemi tek masat e forta kufizuese. Për ketë duhet motivim i gjithsecilit. Ajo që po konsiderohet kudo si një tjetër valë infektimesh dhe që u vu re me numra që u rritën në mënyrë dramatike po reflektohet tani edhe këtu.

Masat që janë në fuqi janë masa që në këndvështrimin e ekspertëve të komitetit teknik funksionojnë, por që të funksionojnë siç duhet, duhen zbatuar. Është vënë re një shkelje rregullash kohët e fundit, është e papërgjegjshme që edhe politikanët i shkelin rregullat nëpër grumbullime”,- tha Rama.

KOHA PËR PËRGJEGJËSI QYTETARE MAKSIMALE NË KËTË FAZË RRITJEJE TË NUMRIT TË INFEKTIMEVE – Sinjalet për hyrjen edhe në Shqipëri të varianteve të reja të COVID19 dhe rritja e numrit të infektimeve tek moshat e reja, janë arsye të forta për të reaguar fort së bashku tani, pa humbur asnjë ditë, që të pengojmë medoemos kthimin tek masat e forta kufizuese

Fraksion.com