Kryemadhi: Rama doli 5 orë vetëm në televizor i braktisur, ne do t’i japim fund dilemave të largimit apo qëndrimit në Shqipëri më 25 prill

Kryetarja e LSI, Monika Kryemadhi, ka zhvilluar sot një takim me banorë të Njësisë nr.2 në Tiranë, ku nuk i ka ndalur akuzat ndaj kryeministrit Edi Rama për të cilin tha se i ka braktisur njerëzit por sipas saj rri në televizor 5 orë në ditë dhe flet vetëm.

Në këtë takim kryetarja e LSI theksoi  se sipas saj Ramën e kanë braktisur njerëzit e tij, ndaj ajo nuk do të merret me të braktisurit por të krijojë mundësi të reja.

Tani isha në një takim me disa gra dhe një nga problemet kryesore që ato kishin ishte mungesa e urbanit, papunësia, kopshtet dhe çerdhet që nuk kanë mundësi për ti paguar. Njëra prej tyre më tha: Bravo, e ke qarë sot, se del një burrë flet 5 orë në televizion dhe nuk flet as për taksat e larta, as për energjinë, as për çmimet e larta, për asgjë.Dhe unë i thashë që në fakt ai nuk është se është burrë llafazan, por një njeri që del dhe flet vetëm në televizor 5 orë, ndërkohë që është kryeministër që duhet të zgjidhë problemet e njerëzve, është i braktisur.

Nuk mendon si të zgjidhë hallet e njerëzve por si të merret me llafe të mashtrojë. Tani kjo historia e batutave i ka dalë jashtë loje sepse njerëzit duan bukë. E kanë braktisur njerëzit e tij, kështu që ne nuk do të merremi me të braktisurit, por ne duam të krijojmë mundësi, të krijojmë vende pune për ju, punë të mirë paguar, të krijojmë hapësira pa fund, të zhvillohet ekonomia, të zhvillohet biznesi, të kthejnë sigurinë në vend, të kthejmë atë për të cilën ne kemi nevojë”, tha Kryemadhi.

Kryemadhi edhe e ka ironizuar kryeministrin duke thënë se tani kjo historia e batutave i ka dalë jashtë mode. Dilemave të largimit apo qëndrimit në Shqipëri. Kryetarja e LSi tha se do t’i japin fund më 25 prill.

“Sot ka ndenjur pesë orë vetëm në televizor i braktisur. Një njeri që flet me veten në televizor në vend që të merret me pandeminë, në vend që të merret me krijimin e vendeve të reja të punës, në vend që të thotë: Ore si të krijojmë mundësi për nënat e reja, për kopshtet, për çerdhet. Pra, nuk mendon si të zgjidhë hallet dhe problemet e njerëzve, por rri e mendon si të merret me llafe, me thashetheme, të gënjejë, të mashtrojë.

Tani kjo historia e batutave i ka dalë jashtë mode, nuk e tërheq më njeri, sepse njerëzit duan bukë, duan punë, duan taksa të ulëta, duan zhvillim. Në fund të ditës njerëzit të thonë: Ore zotëri, çfarë u ofron ti shqiptarëve sot? Ai shqiptarëve sot nuk i ofron asgjë”, shtoi ajo.

Fraksion.com