Von der Leyen: S’lejohen kontratat paralele të vendeve të BE. Kemi 2.3 miliardë doza, mjaftueshëm për të vaksinuar gjithë popullsinë europiane

Presidentja e KE, Ursula von der Leyen i ka ndaluar vendeve anëtare të BE negociojnë apo lidhin kontrata paralele për vaksinën ndaj COVID-19.

Von der Leyen ka deklaruar se i vetmja kornizë mbi të cilën po veprohet është ajo e 27 vendeve anëtare së bashku, me kompanitë farmaceutike që ka rënë dakord BE si tërësi.

Ajo ka garantuar se BE ka në total 2.3 miliardë doza të vaksinës, mjaftueshëm për të vaksinuar gjithë popullsinë europiane.

“E vetmja kornizë në të cilën ne jemi duke negociuar është si 27. Ne e bëjmë këtë së bashku dhe asnjë shtet anëtar mbi këtë bazë ligjore detyruese nuk lejohet të negociojë paralelisht ose të ketë një kontratë paralelisht.I gjithë portofoli mbulon 2.3 miliardë doza vaksinash, kështu që kjo është më se e mjaftueshme për të vaksinuar tërë popullatën evropiane,” tha von der Leyen.

Fraksion.com