“Shqetësuese rritja e infektimeve te moshat e reja”; Rakacolli: Ora policore pas 22:00; Universitetet online; Pezullim i fluturimeve me Britaninë deri më 18 janar
Komiteti Teknik Ekspertëve, ditën e sotme ka dalë në një deklaratë për mediat ku ka njoftuar se incidenca e infektimeve në vendin tonë në dy javët e fundit ka pësuar një ulje.
Mira Rakacolli, Zv.Ministre e Shëndetësisë dhe Mbrojtjes Sociale ka thënë se do të vijojë kufizimi i orës policore nga ora 22:00 me 06:00. Ajo ka shtuar se fluturimet me Britaninë e madhe do të mbesin të anuluara deri në 18 janar.
Për sa u përket Universiteteve, Rakacolli ka shpjeguar se për të shmangur infektimin, të paktën edhe dy javë do të vazhdohet mësimi online.
“Mendohet se kjo situatë e qëndrueshme është pasojë e masave të 2 javë të fundit, të vazhdojnë në fuqi ora policore pas orës 22:00, universiteti edhe 2 javë online dhe po kështu fluturimet me Britaninë e Madhe të mbeten të pezulluara deri në datën 18 janar”, tha ajo e cila bëri thirrje që të respektohen masat.
“Vetëm gjatë javës së fundit është 110 raste të reja për 100 mijë banorë dhe është ulur. Niveli i pozitivitetit që është 22%. Mosha mesatare është 48.7 vjeç. Ka një rritje të infektimeve tek të rinjtë. Nga vlerësimi i incidencës Gjirokastra është në fillim, më pas Tirana dhe Lezha. Niveli i shfrytëzimit të shtrat është 46.7%. Si përfundim, situata për këto dy javë është e qëndrueshme me zbritje të lehta dhe nuk ka vend për vetëkënaqësi. Duhet të jemi të ndërgjegjshëm, pasi transmetueshmëria është e lartë.” ka thënë Albana Fico.
Brataj: Është kryer punë voluminoze. Janë pritur rreth 700 mijë thirrje. numrat më të mëdhenj të pacientëve trajtohen në banesë.
Ndërkohë Rakacolli ka shtuar se Shqipëria i ka të gjitha kushtet e nevojshme për të ruajtur vaksinën Pfizer që pritet të vijë në Shqipëri javën e tretë të Janarit.
Fraksion.com
