Përparimi plagosi edhe nipin; Zbulohen telefonatat e përgjuara të vrasësit me viktimat

Biseda mes Përparim Telës dhe viktimës Kristina Bardhit:

Kristina: Pse merr në telefon, si e ke hallin?

Përparimi: Mirëmëngjes, mirë je, të pashë që je zgjuar dhe të mora…

Kristina: Ca do?

Kristina: Çfarë do?

Përparimi: Dua të flas 2 minuta me ty.

Kristina: Absolutisht as edhe një gjë

Përparimi: Dy minuta, jo në shtëpi. Dua të flas me ty, përse nuk pranon, ku të duash afër shtëpisë

Kristina: Nuk dua fare.. fare

Përparimi: Mirë mirë do që të flasim në messenger?

Kristina: Hape pak messengerin.

Ndërsa kjo është biseda mes djalit të vrasësit dhe djalit të një prej viktimave:

Djali i Përparimit, Kristo: Mos u mërzit o vëllai im, ti mos u mërzit, se unë nuk mërzitem për atë. Mërzitem për nanën dhe për mamin tat.

Djali i Zhanetës, Anxhelo: Ja këtu janë, janë futur në frigorifer, direkt të vdekur të dyja.

Djali i Përparimit, Kristo: Ti e pe të gjithë ngjarjen?

Djali i Zhanetës, Anxhelo: Po që të gjithë. Unë isha aty, mbrapa mamit

Djali i Përparimit, Kristo: Më rafte pika mu o zot.

Gjithashtu u transmetua biseda mes djalit të vrasësit dhe vajzës të njërës prej viktimave:

Vajza: O Zot i madh, ça na gjeti kështu. Mami si është, me kë e lë mamin?

Djali i Përparimit, Kristo: Ka ardh çuni xhajës.

Vajza: Mos qaj zemër, mos u mërzit. E di si po dridhem më ka rënë dy herë të fikët.

Djali i Përparimit, Kristo: Do marrësh gjak te unë?

Vajza: Asnjëherë në botë, nuk lahet gjaku me gjak, nëse do merret gjak do merret te ai. Atë të mos e lenë gjallë atje në burg.

Ndërkohë është bërë i ditur fakti që në vrasjen e dyfishtë të ndodhur më 31 dhjetor në shtëpinë e Zhaneta dhe Pranvera Metani. Plagosjen me armë të nipit të përparimit, Kastriotit, i cili e shoqëroi autorin e vrasjes në banesën e viktimave.