Fauci: Mënjanoni grumbullimet gjatë festave për të luftuar Covid-19

Kryevirologu amerikan, Anthony Fauci pret ditë më të këqija në SHBA, pasi pandemia COVID-19 vazhdon rritet gjatë pushimeve për shkak të grumbullimit të njerëzve.

Eksperti i sëmundjeve infektive theksoi se ai pajtohet me vlerësimin e presidentit të zgjedhur Joe Biden se më e keqja e pandemisë mund të jetë përpara nesh.

“Arsyeja që unë jam i shqetësuar, dhe po ashtu edhe kolegët e mi të shëndetit publik, është se ne shumë mirë mund të shohim një rritje post-sezonale në Krishtlindje dhe Vitin e Ri.

“Kurba e rasteve që kemi përjetuar, ndërsa kemi hyrë në vjeshtën e vonë dhe në fillim të dimrit është me të vërtetë mjaft shqetësuese”, shtoi ai.

Javën e kaluar, Biden tha se “ditët më të errëta” të pandemisë janë përpara nesh.

Dje, Fauci shprehu shqetësimin se situata në të vërtetë mund të përkeqësohet në javët e ardhshme.

Fraksion.com